Глава 63

Глава 63

О СМЕРТИ ВОРА КОЛУСКОГО

Лже-Христ же, нарицаася Дмитрием царевичем, живый в Колугe; и той тако же православным христианом пакость дeяше. И нeкогда князь Петр Урусов сын Нагайской по своему злому обычаю мечем погуби вышепомянутого Касимовского царя. Вору же Тушинскому той враг христианский зeло любим бeяше, тако же и Нагайской не Петр, но диавол любим же бeяше. И оскорбe вор о царe Касимовском: потужи сатана по бeсе; повелe того князя Петра ввергнути в темницу. Вeдый же князь Петр, яко лукавый той лже-Христ зeло имeнию желатель и сребру служай всегда, и подвиже многих лукавых же волков лютаго льва обольстити многими дарми. И тако по трех дьнех ис темницы изведеся и много тому врагу похвал предложив. И по дьнех нeколицех умоли его изыти тeшитися и смотрити поля Татарскаго на зайцы. И на том игралищи в поле пред Колугою устрeли того врага до смерти, сам же убeжа с Татары. И остася сука со единeм щенятем. К ней же припряжеся законом сатанинским поляк Иван Заруцкой, показуяся, яко служа сей и тому выблядку.

Сие же доздe: не убо о нем повeсть сказуется.