Глава 61

Глава 61

О ПОСТРИЖЕНИИ ЦАРЯ ВАСИЛИА

В лeто 7118 (1610 г.), июля в 19 день Рязанец дворянин Захарей Ляпунов да князь Петр Засeкин с своими совeтники царя Василиа силою постригошя в чернеческий чин. Обeщание же за царя отвeщеваше князь Василей Туренин; и предашя под начало в Чюдов монастырь. И потом вскорe и царицу его Марию постригошя силою же и отдашя в Ывановской монастырь; а братию его, князя Дмитреа да князя Ивана Ивановичов Шуйских отдашя за приставов. Поляки же паки о градоемствe промышляху, тако же и лже-Христ Тушинской и Колуской. Мнози же хотяще тому лже-Христу служити, и измeны многи начяшя бывати. И изволишя людие се: «Лучши убо государичю служити, нежели от холопей своих побитым быти и в вeчной работe у них мучитися». Еще же и заступлениа вси чаяху Поляков на воров. И положишя совeт, еже быти царем Владиславу королевичю.

Патриарх же Ермоген паки начат плакатися пред всeм народом, дабы не посылали с таким молением к Польским людем, но молили бы Господа Бога, чтобы Господь Бог воздвиг царя. Вси же людие о сем посмeяшяся. Патриарх же велиим гласом возопи пред всeми: «Помните, о православнии христиане, что Карул¹ в Велицем Римe содeя!» И вси заткнувше уши чювственыя и разумныя, и разыдошяся. И вскорe с Поляки совeт положишя, еже быти царем Владиславу королевичю.

О КРЕСТНОМ ЦEЛОВАНИИ У МОСКВИЧЬ С ПОЛЯКИ

Гетман же Желковской цeловал крыж² королевскою душею, что королю сына своего Владислава дати на Московское государьство, и быти ему в христианской вeрe Греческаго закона; а креститися было ему, к Москвe идучи, в Можайске от Ермогена патриарха и от всего освященнаго собору. А доколe королевичь будет на Москвe, и гетману Желковскому со всeми людьми отити в Можаеск, а изо всeх городов Руские земли вывести вон всeх Поляков и Литву. А королю отити от Смоленска прочь со всeми людьми в Польшу.

Тако же и всею землею Росийскою цeловали крест Господень, что Владиславу Жигимонтовичю служити прямо во всем.

С вором же вси сущии, сиа увидeвши, и отидошя паки в Колугу. За ними же Поляки не погнашя, но оставишя их, да разоряют христианство. Патриарх же зeло плакася, видя таково нестроение.