Глава 49

Глава 49

О БОЮ СО КНЯЗЕМ МИХАИЛОМ ПОЛЬСКИМ
И ЛИТОВСКИМ ЛЮДЕМ И РУСКИМ ИЗМEННИКОМ

Разрушителю бранем, князю Михаилу, приближшуся х Колязину монастырю, сопротивницы же Польские и Литовские гетманы и с полковники и рохмистры, койждо своими полки: Александр Зборовской, и Сопeга, и Лисовской, и Иван Заруцкой, поидоша паки против князь Михаила Васильевича Шуйского Скопина и Нeмец Переславскою дорогою, мeсяца июля в 5 день на память преподобнаго отца Афонасиа Афонскаго и преподобнаго отца нашего Сергиа Радонежскаго чюдотворца, на обрeтение честных мощей его, во втором часу нощи. Приидошя же на Волгу под Колязин монастырь в село Колязинское Пирогово. Князь Михайло же Васильевичь и со благочестивым Московским воинством и с Яковом Пунтосовым и с Велгорем и со многими Немецкими людьми ополчившеся на Волгe противу их. И посла князь Михаил воевод Семена Головина, князя Якова Борятинсково, Григориа Волуева, Давида Жеребцова со многими людьми за Волгу на перевоз к Николe чюдотворцу в слободу на рeчку Жабну под Литовских людей, чтобы за тое рeчку не перепустити их, – рeчка бо та топка зeло и ржависта. Литовские же увидeвше Московскых людей, и абие, яко лютыя звeри, устремишяся на лов. Благодатию же Божиею на том бою многих Польских и Литовских людей побили и поранили; мнози же от них на грязeх погрязше погибошя; прочии же в бeгство устремишяся к болшим людем в село в Пирогово. Воеводы же о сем послашя вeсть ко князю Михаилу, чтобы вскорe рeку перевезся; еже и бысть.

Литовские же гетманы и их полковники всeми полки своими устремишяся на Руское воинство. И съступишяся обоих полцы, и бысть сeча зла, и сeчахуся на многих мeстех, бьющеся чрез весь день; от оружейново стуку и копейного ломаниа, и от гласов вопля и кричаниа обоих людей войска, и от трескоты оружиа не бe слышати друг друга, что глаголет; и от дымного курениа едва бe видeти, кто с кeм ся бьет. И яко звeрие рыкающе, злe сeчахуся на многих мeстех, бьющеся чрез весь день.

Солнцу же достизающу на запад, и возопишя вси православнии к Богу со умилением, вопиюще от сердец своих: «Виждь, Владыко, кровь раб твоих, неповинно закалаемых; тако же и ты, преподобне отче Макарие, помолися за ны к Богу и помози нам!» И уже близ вечеру сущу, услыша Господь молитвы раб своих; и нападе страх велий на врагов Божиих; и, ужасом великим одержими, в бeгство устремишася. И побeгошя, друг друга топчюще, гоними гнeвом Божиим. Руские же полцы гнашя Литовских людей, сeкуще до Рябова монастыря; и многих Литовских людей побили и поранили, и нарочитых панов многих живых поимали. И с великою побeдою и одолeниим возвратишяся под Колязин монастырь со многою корыстию.

Польские же и Литовскиа люди и Руские измeнники, яко же испод Твери, тако ис-под Колязина монастыря не путьми возвращьшеся вспять и конечнe хотяще разорити дом Пресвятыа Троица, и лютe належаще бранию; оставшии же мали суще числом и друг друга водяще, со враги боряхуся.

Посем же из Сопeгиных табар в Троицкой Сергиев монастырь выeхал пан Ян, а с ним 4 пахолки¹, да два человeки Руских и сказали, что под Колязиным монастырем князь Михайло Литовских многих людей побил и поимал. Того же дьни воеводы устроили ис Троицкаго Сергиева монастыря выласку на рeчку Коншуру, на бани Литовские, и многих у бань побили Черкасов и казаков; и бани их сожгли, и шесть человeк живых взяли. И языки сказали, что подлинно Литовских людей князь Михаил под Колязиным манастырем побил. О сем же вси людие благодарствоваху Бога. И возрадовашяся и благонадежни бышя, чающе избавлениа от Бога, и со враги крeпко боряхуся.