Глава 29

Глава 29

О ЗАВОДНЫХ¹ ЛИТОВСКИХ ЛЮДЕХ

Гетман же Сопeга и Лисовской паки умыслишя совeт лукав над Троицким воинством. В нощи заведошя множество рот конных и скрышя у рыбных садов и в Сазанове и в Мишутинe врагe, дабы им от града отъeхати² Троицкое воинство. И приeжжающе к надолбам, начашя манити людей из града. Людие же во граде, не вeдуще безбожных лукаваго пронырства, и изшедше на выласку конные и пeшие. Литва же лукавствующе и на бeгство обратишяся. Из града же людие за ними устремишяся. Стражие же, увидeвше с церкви заводных людей во врагах стоящих, начяшя бити в осадной колокол. Тогда же возвратишяся к стeнам градным. Видeвше же лукавии, яко не улучишя желаемаго, и тако из лeсов и изо врагов, яко лютыя лвы ис пещер и из дубрав, на православное христианство устремишася и притиснушя к стeнам градным. Градстии же людие тогда с стeн многих Литовских людей побили и живых взяли желнырь четыри человeки. Не возлюбиша же окааннии из града частых подарков и к тому не приложишя близ стeн приходити, и изо рвов своих и из ям, ископанных ими, разыдошяся в табары своя.