Глава 24

Глава 24

О ПРИСТУПE

Того же мeсяца в 2 день в 3-м часу нощи в Литовских полцeх бысть шум велик и заиграшя во вся игры, поидошя на приступ ко граду, яко и преже. Градские же людие бьяхуся с ними крeпко, не дающе им ко граду приступити.

О ЯВЛЕНИИ СЕРГИА ЧЮДОТВОРЦА АРХИМАРИТУ ИАСАФУ

В то же время в церкви Пресвятыя Троица архимариту Иасафу воздрeмавшу, и се внезапу видит святаго и блаженнаго отца нашего Сергиа великаго чюдотворца, стояща против чюдотворнаго образа Святыя Живоначальныя Троица и руцe свои горe воздeвша и молящяся со слезами Святeй Троицe. И обращся святый ко архимариту и глагола ему сице: «Брате, востани, се время пeнию и молитвe час! Бдите и молитеся, да не внидете в напасть. Господь всесильный многих своих ради щедрот помилова вас и прочее время подаст вам, да в покаянии поживете». Архимарит же Иасаф о сем явлении, одержим страхом многим, исповeда всей братии.

Гордостию же надмени, Литовские люди тяжко и беспрестанно ратующе град Троицкой, прикативше туры и тарасы многие ко граду. Из града же ударишя изо многих пушек и пищалей по щитом и тарасом их, которые бышя близ града, и много Литовских людей побили. Дню же наставшу, из града вышедше конные и пeшие люди и от града Литовскых людей отогнашя. Они же побeгошя, гонимы гнeвом Божиим. Градстии же людие приступныя козни их вся огню предашя, а иные во град внесошя.

В четвертый же день того же мeсяца в нощи паки Литва своим дeлом промышляюще, но издалеча, а ко рву и к стeнам близ приходити не смeюще; из града же вышедше пeшие люди к Литовским людем к Нагорнему пруду за надолобы близко подкопново рву. Литва же и Руские измeнницы восташя изо рвов и из ям, яко дeмоны, нападошя на градских людей и сотворишя бой велик. На бою же том убили Троицкого слугу Бориса Рогачева и многих слуг, и стрелцов, и казаков поранили; тогда же емше казака Дeдиловскаго ранена. Он же в роспросe и с пытки сказал, что подлинно подкопы поспeвают, а на Михайлов день хотят подставливати под стeны и под башни зелие.

Воеводы же, водяще его по городовой стeнe, он же все подлинно указал мeста, под которую башню и под городовую стeну подкопы ведут. И изнемогаше от многих ран и начат умирати; и вопияше великым гласом со слезами и рыданием: «Сотворите мнe, винному и бeдному человeку, великую милость, дайте мнe, Бога ради, отца духовнаго, сподобите мя быти причастника Святых Христовых Тайн!» Архимарит же Иасаф повелe его поновив¹ причастити Святых Христовых Таин.

Воеводы же во градe против подкопов от подолныя стeны до святых ворот велeли острог поставити и тарасы насыпати и наряд устроити.