Глава 17

Глава 17

О ПРИХОДE ПEШИХ ЛЮДЕЙ КО ГРАДУ

В нощи же той на первом часу множество пeших людей Литовских и Руских измeнников устремишяся к монастырю со всeх стран с лeствицы и с щитами и с тарасы¹ рублеными на колесех и заиграшя во многиа игры², начяшя приступати ко граду; граждане же биахуся с ними с стeн градных, тако же изо многих пушек и пищалей, и, елико можаху, много побишя Литвы и Руских измeнников. И тако милостию Пребезначальныя Троица и молитв ради великих чюдотворцов, не дашя им тогда близ града приступити и никоторой пакости граду учинити. Они же, пьянством своим изгубивше своих много, отоидошя от града. Тарасы же, и щиты, и лeствицы пометашя. На утриа же, из града вышедше, вся тая под град внесошя и, тeм брашна строяще, огню предашя. Литва же и Руские измeнницы, паки тeм же образом приходяще, стужаху гражданом, ратующе град за седмь дний без почиваниа. Овогда же ко граду подъeжающе с великими грозами и прещением, иногда же с лестию просяще града, и показующе множество вой, да убоятся граждане; и елико убо врази стужающе им, тогда сущии во градe паче укрeпляхуся на них. И тако окааннии Лютори и Рустии измeнницы всуе трудишася и ничто же успeшя, но паче своих многих погубишя.

Архимарит же Иасаф со всeм освященным собором в тe дни бяше во святей велицей церкви, со слезами моляста Бога и Пречистую Его Богоматерь и призывающе в помощь великих чюдотворцов Сергиа и Никона о помощи и о укрeплении на враги, со слезами глаголюще: «Господи Боже, помози нам, конечнe погибающым и не отрини людий твоих до конца, и не дай же достояниа твоего в поношение злым еретиком, да не рекут: гдe есть надежа их, нань же уповают, но да познают, яко Ты еси Бог нашь Господь Исус Христос в славу Богу Отцу. Аминь».

И вземше честныя кресты и чюдотворную икону Богоматере с Превeчным Младенцем и прочих святых иконы, обходяще по стeнах всего града, молящеся со слезами.

О ПРИХОДЕ ЛИТВЫ НА ОГОРОД КАПУСТНОЙ

Того же мeсяца в 19 день, приидошя Литовские люди на огород капусты имати. Из града же увидeвше, яко немного людей Литовских, и не по воеводскому велeнию, но своим изволением, спустившеся с стeн градных по ужищем, и Литовских людей побили, а иных переранили. И в то время в Литовские полки утече служень дeтина Оски Селевина.